ALCOHOL

Alcohol puru ta un likido sin color y sin un sabor particular. Ta produci alcohol dor di laga yist traha riba alimento cu tin sucu aden manera: Batata o frutanan. E yist ta pone cu e sucu aki ta cambia bira Alcohol. Asina ta usa grano pa traha cerbes, druif pa traha biña. Bebidanan mas sterki por wordo traha cu; grano pa Whiskey y Jenever, sucu di caña pa Rum, batata pa Vodka, fruta pa Coñac. Likeur tambe ta un bebida sterki cu ta smak hopi zoet pa motibo cu e tin hopi sucu aden.

Hopi bebida ta consisti di Alcohol mescla cu awa y otro ingredientenan pa dune sabor. Cerbes ta contene mas o menos 5% di Alcohol puru. Den biña tin 12% y den bebidanan sterki tin 35% Alcohol puru.

Effectonan….

Abuso di Alcohol por afecta bo salud seriamente. E effecto aki ta depende  di e.o: Cantidad cu bo consumi, bo peso, sexo y frequencia cu locual bo sa bebe. Alcohol ta pasa di boca bai pa tripa, caminda e sanger ta absorbe. E sanger ta hiba e Alcohol
tur parti di bo curpa, tambe na e cerebro!

Otro effectonan ta; emocionan bruha (confusion), mal bista, coordinacion di curpa bruha y lento, sacamento, dolor di cabes, diarrea, problema di memoria, insomnio, irritacion, black out y mas.

Bo higra ta considera Alcohol un veneno y ta traha duru pa saca cada glas cu abo bebe for di bo curpa. Pa cada glas di Alcohol
cu bo bebe ta dura bo higra minimo 1 ora y mei pa sakele bek. Mas bo bebe, mas largo e proceso di e higra ta bira, bebe awa, coffie of laba cara cu awa friew no lo yuda pa nada.

E higra ta saka 95% for di e curpa, e otro 5% ta sali via orina, sudor y rosea.

Effectonan termino largo:

• Cancer di boca, garganta, pecho, higra y tripa.
• Derame cerebral (stroke) y demencia.
• Impotencia y atake vascular.

Pa mas informacion pasa na F.A.D.A situa na Campana straat # 5
Tel: 5832999