MARIHUANA

Marihuana ta bin for di e mata Cannabis Sativa cu ta wordo planta y cultiva tur rond di mundo. E ta pertenece na e categoria di droganan calmante y tambe por fungi como uno halucinante. Marihuana tin diferente nomber cu cada grupo/usador ta pone manera e.o; Weed, Cheiba, Pito, Jerba, Pot y mucho mas.

Te ainda nos comunidad tin e pensamento cu Marihuana ta un “softdrugs”y cu e no ta causa dañonan mirando cu na otro paisnan Europeo si e ta wordo considera un softdrug ainda. Esaki ta totalmente robes mirando cu e Marihuana di awendia ta contene mucho mas kimico (THC= Tetra Hydro Cannabinol) compara cu añanan atras. E THC aki ta e producto cu ta influencia y afecta e hende su abilidadnan y salud fisico y mental.

Tardi of trenpan e ta haci daño na e cerebro y e curpa humano. Otro peliger di Marihuana ta cu mayoria usadornan di e droga aki despues di tempo ta pasa pa otro droganan mas fuerte manera Cocaina of XTC (Gateway drug).

Uso di Marihuana ta causa e siguiente sintomanan;

• Falta di motivacion;
• Iritacion di wowo y cansancio;
• Menos productivo na trabao of na scol (deporte);
• Perdida den sentido di tempo (nocion);
• Perdida di memoria;
• Cambionan den aparencia y moda di bisti;
• Rabiamento liher (sin sentido);
• Aumento den gañamento;

Efectonan cu Marihuana tin ariba nos curpa;

• Batimento di curason y anshamento;
• Irita bo pulmonnan y strobanan di expulsa bacterianan;
• Interferi bo abilidadnan di concentracion;
• Impotencia serca e hende homber;
• Menstruacion irregular serca hende muher;
• Condicion respiratorio malo;