COCAINA

Cocaina ta un droga stimulante cu ta wordo deriva for di e mata di Coca (plant), cu ta crece y wordo planta na Zuid-Amerika.
E ta mas potente cu e droga Marihuana y ta un stimulante di e sistema central nervioso, cu ta pone cu e tin hopi influencia ariba e funcionamento normal di nos curpa. Cocaina ta bin den forma di un puiro cristalino blanco/geel y tambe e sa wordo procesa (cushina) pa bira un piedra (base).

E ta wordo hala (via nanishi), huma (pipa, foil, sigaria) y tambe injecta cu awa.

Efectonan di Cocaina…

Cocaina ta duna efectonan fisico pero tambe mental manera e.o;

• Menos apetit;
• Stimula actividadnan sexual;
• Hisa presion di sanger y temperatura;
• Ta fungi como laxante (dolor di bariga);
• Batimento di curason halto;
• Sangramento na nanishi;
• Infeccion;

Efectonan mental;

• Depresion despues di uso (crash);
• Paranoia (comportacion raro);
• Confusion;
• Insomnio (problema cu drumimento);
• Iritacion continuo (beis);

Consecuencianan…

• Problema cu husticia (droga ta ilegal);
• Problema financiero (caro);
• Intoxicacion (droga sushi);
• Perde bo famia, trabao o estudio;

Cocaina su efectonan por dura mas o menos 30 minuut ora e wordo hala y pesey e ta wordo usa frequentemente pa bolbe haya e mes un efectonan! Despues di 4 dia ainda por constata Cocaina den un hende su urina depende di e cantidad di uso, frequencia y tambe e metabolismo di e persona.