Abo conoce e droga GHB?

E producto aki GHB  ta contene “gammahydroxybutyrate”(nomber cientifico) cu antes tabata ser  usa den hospitalnan pa verdoof hende prome cu operacion. Awendia esaki no ta wordo usa mas den e mundo di medicina pa nos humanonan. GHB ta solamente obtenibel ariba e mercado ilegal. E sa wordo usa como un droga pa viola y maltrata e victima mientras cu e ta toxica (rapedrug).

Con bo ta reconoce? 

E ta un puiro blanco sin holor y sin sabor (tiki salo), e ta bin como pilder, capsula y tambe likido. GHB ta un droga dificil pa descubri mirando cu hopi biaha esaki ta wordo proponi na bo bebida sin cu bo sa.

Efectonan pa e victima… 

GHB ta pasa via e sanger pa e cerebro. Efectonan di GHB por varia pa cada persona depende di su peso, personalidad, dosis y tambe e ambiente caminda e ta wordo consumi. Ta dura entre 5 pa 30 minuut prome cu e victima cuminsa sinti e efectonan di GHB.

• Stimula actonan sexual;
• Sacamento y sinti marea;
• Perde nocion di tempo (memoria);
• Musculonan slap;

Consecuencianan…

• Wordo abusa sexualmente;
• Problema cu memoria;
• Haya accidente;
• Embaraso indesea/hubenil;
• Intoxicacion;

Prevencion…

• No acepta bebida di persona nan cu bo no conose
• No acepta slok for di hende
• No laga bo bebida su so para
• Den club paga bon tino riba e bartender nan
• No pasa bo limite di bebe, preferibel no bebe mes.
• No sea curioso pa expirementa bebida nan di otro hende, hopi biaha bo no sa kiko tin den e bebida

E malhechornan aki ta tira GHB den bebida di ambos sexo pa logra nan meta nan negativo. Ta pa esey FADA ta kere cu ta importante pa tanto hoben como adulto ta mas cauteloso ora nan ta tuma algo pa bebe na cualkier sorto di actividad.

Pa mas informacion pasa libremente na F.A.D.A situa na Campanastraat 5 (Tarabana) of yama nos na number di telefon: 583-2999