GHB
FADA - Droga

GHB (gammahydroxybutrate nomber cientifico)

GHB miho conoci como “party drug” ta hopi peligroso . Pa  motibo  cu e producto por wordo proporciona  facilmente durante actividadnan social.  Dor di tira un par di gota den bebida di e victima, cu consecuencia cu e victima tin chens di desmaya of bay den coma y asina por wordo abusa sexualmente, fisicamente, maltrata of horta.

GHB  ta un narcotica cu antes tabata ser uza den hospitalnan pa anestesia .Actualmente GHB no ta ser uza mas na hospitalnan pa motibo di su efectonan secundario y modernismo medicinal.

Den laboratorionan ilegal GHB  ta wordo traha cu producto di laba cas y producto pa haci tubo y toilet limpi, tambe cu un producto cu nan ta uza pa traha plastic.

GHB  tin un sabor salo, pero ora e wordo tira den bebida alcoholico e no ta smaak nada.

Bo ta hañe na forma di puiro, capsula, pilder of likido. Pero esun mas uza y bendi ta den forma di likido.  Mundialmente autoridadnan ta alertando pa e droga GHB mirando cu ora nan tire den  bebida e persona no por ripara cu nan a tire den un bebida.

Riba caya e ta haña e nomber di : Easy lay, Date rape drug y liquid xtc .

E efectonan bo por sinti nan despues di 15 a 30 min .                                                                          GHB tin un duracion  di 2-3 ora . Despues di e uzo di GHB e por wordo detecta via bo sanger den un transcurso di 8 ora  of via e persona su  urina den transcurso  maximo di 12 ora.

Sintomanan di uzo

  • sinti relaha y no por pensa cu claridad 
  • ta lanta  apetito sexual 
  • sinti bo mes droga 
  • musculonan ta bira slap
  • hopi soño
Consecuencianan  a corto plaso
  • sacamento y sinti marea
  • stimula actonan sexual
  • perde nocion di tempo
  • perde rosea
  • dolor di cabes
  • bo ta bira suf
  • un persona cu lanta for di uzo di GHB y ainda ta bou influencia  por ta hopi agresivo
  • un persona bou influencia di GHB cu ta core auto por ta mesun peligroso cu un persona cu ta bou influencia di alcohol
  • persona por desmaya cu consecuencia cu  e por stik

Consecuencianan a largo plaso

  • wordo abusa sexualmente
  • problema cu memoria
  • haya accidente
  • embaraso indesea
  • intoxicacion
  • por bay den coma  of  por ta  mortal
  • bo curason por stop di bati
  • problema cu presion halto

Tipnan

  • Si bo ta pensa cu bo a wordo  droga cu GHB laga nan test bo urina di biaha
  • Ora bo ta bay sali un caminda no laga bo bebida su so caba cune prome .Si acaso bo a lage toch, no bebe mas.
  • Ora di cumpra un bebida bay bo mes cumpre .
  • Semper tene bon bista ken tur ta banda di bo.
  • Zorg pa bo bay sali cu personanan cu ta di confiansa y cu por wak pa bo.

Pa mas informacion por tuma contacto cu FADA na telefon: 5832999 of 5839610.

Tambe por comunica via fax nr: 5834501, via fundacionantdroga.org  of via Facebook.

FADA ta situa na Campanastraat 5, Dakota (Tarabana).

 

PREVENI  MIHO CU LAMENTA

 

13:30 to 16:30

F.A.D.A (Fundacion Anti Droga Aruba). Tel. (+297) 583-2999 / 583-9610