Paddo's
FADA - Droga

Paddo’s  (mushroom.)

E historia di paddo’s ta bay hopi tempo atras. For di tempo di Indjannan tabata uza mushroom caba pa nan por halucina y adora nan Dios.

Paddo ( Mushroom) ta combinacion di diferente tipo di paddestoelnan venenoso cu ta traha riba hende su conocemento. Den paddo tin ingrediente “psilocine y psilocybine”.

Paddo’s ta un droga hopi venenoso cu ta pone bo halucina. Paddo ta e fruta cu ta crece parti abou di e mata cu ta consisti di beskem. E paddestoel aki no ta esun cu hende ta uza pa cushina cu ne. 

Paddo cu mas ta wordo uza ta: coco pelon, Mexicano y Hawayano.  Dor cu paddo ta hopi peligroso e no ta wordo permiti mas den “koffieshopnan”  na Hulanda. Hopi incidente mortal a pasa pa via di uzo di Paddo.

Hende ta uza Paddo den diferente forma: dor di come, trek thee of wordo cushina. Tin chuculati traha di paddo. Den un thee bo ta sinti e efecto mas lihe y mas fuerte. E ta keda 24 ora den bo sanger. E efectonan ta depende cuanto y con hende uze. Riba caya  ora e wordo comi, e ta haña  nomber di : “santa hostia”.

Sintomanan di uzo

  • E persona  ta wak vaporoso ( wazig)
  • E persona su  pupila ta bira grandi
  • E persona ta sinti cu e piso ta habri
  • E persona ta sinti su mes manera cu e ta den un ola den lama
  • Tin cambio den realidad y berdad( experencia riba un otro nivel)
  • Paddo’s ta un  droga cu ta traha cu bo sentimento

Consecuencianan  a corto plaso

  • Colornan ta bira mas intensivo, cosnan ta bira 4D
  • Dolor di cabes
  • Boca ta seca, hopi sed
  • Gana  di saca
  • E persona no por controla su emocionnan
  • Hopi dolor di bariga y di stoma

Consecuencianan a largo plaso

  • Personanan  cu ta sufri di problemanan psicotico no por uza paddo pa motibo cu e por ocasiona dañonan  permanente
  • ‘Flash-back effect’ aunke e persona no a uza paddo e ta keda sinti un ‘flash – back’ di cosnan
  • Hopi panico y miedo, un tristesa y dolor inmenso
  • Personanan cu tin depresion  por bira mas depresivo
  • E por daña bo sintinan por ehempel locual bo ta tende bo ta wak y vice versa

Tipnan

  • Informa bo mes bon tocante di droga
  • Busca amigonan sano
  • Evita  prome uzo
  • Tuma decisionnan sano pa bo futuro
  • Den caso di uzo busca ayudo profesional mas lihe posibel

Pa mas informacion por tuma contacto cu FADA na telefon: 5832999 of 5839610.

Tambe por comunica via fax nr: 5834501, via fundacionantdroga.org  of via Facebook.

FADA ta situa na Campanastraat 5, Dakota (Tarabana).

 

PREVENI  MIHO CU LAMENTA

 

13:30 to 16:30

F.A.D.A (Fundacion Anti Droga Aruba). Tel. (+297) 583-2999 / 583-9610