Speed
FADA - Droga

Speed

Speed ta un droga sintetico. E substancia den speed ta amfetamine cu ta traha como stimulante. E ta kita sinti di cansancio. Tambe e ta kita gana di come of bebe.  Antes amfetamine a wordo uza come producto pa baha peso, pero awendia e ta prohibi. Speed ta wordo uza hopi na fiesta di electro, trance, underground y techno.

Kiko e ta hasi cu bo?

Speed ta pone e uzador sinti cu e por pensa y traha mas liher, e tin boshi energia. Uzador lo sinti hopi sigur di su mes y contento. Un persona cu ta huza speed loa haya kaak stijf y pupila di wowo grandi.

Ora e haltura di e speed baha e uzador ta sinti hopi cansa, depresivo y ta haya hopi gana di come. Uzamento di speed tin consecuencianan serio pa bo salud mental y fisicamente. E por causa dependencia extremo mental y e ta daña bo organonan.


Con largo speed ta traha?

Speed por wordo huma, inhala, via boca y inyecta. Speed por wordo guli den forma di pildo of como ‘speedball’. Esaki ta ora e uzador lora e speed den un vloeitje (papel cu ta wordo uza pa lora sigaria of shag) y guli esaki. Ora di inyecta e speed e ta wordo mescla cu awa. E efectonan por cuminsa despues di 0 te 20 minuut, dependiente di e manera cu e speed a wordo uza. Efectonan por keda te cu mas of menos 8 ora.  

Consecuencianan

Uzo di speed un biaha mes por causa consecuencianan extremo. Hopi consecuencianan debi di uzamento di speed por ta:

-       Dientenan ta cay, huña ta kibra

-       Daño na celebro

-       Halucinacion, miedo, cansancio, agresion

-       Daño na nanishi

-       Kauwmento y kraakmento ariba diente

-       Inflamacion y malesa di virus (ora di inyecta cu hangua sushi)

-       Bahamento di peso extremo y mal nutricion

-       Dependencia mental y fisicamente kibra

 

13:30 to 16:30

F.A.D.A (Fundacion Anti Droga Aruba). Tel. (+297) 583-2999 / 583-9610