Tabaco
FADA - Droga

Tabaco

Tabaco ta wordo produci di mata di Nicotiana.  E mata aki ta wordo procesa. E blachinan ta wordo seca dor di solo y biento. Nan ta laga e blachi seca pa basta aña prome e wordo uza.

E ta wordo uza den 3 manera cual nan ta: Huma via pipa, sigaria y pipa di awa.

Esun mas uza ta dor di sigaria.

No ta importa na cual manera bo ta uze, cu sabor of sin sabor, light of no light, e ta keda peligroso, paso e ta un di e droganan mas adictivo y mescos cu tur otro hopi malo pa hende su salud.

Sigaria ta contene entre otro: insecticida, toilet cleaner, rocket fuel, binager, verf, veneno, lighter fluid, bateria, wax di bela, barbecue lighter, solvente industrial, nicotina, mono oxigeno y ter. Fuera di esaki sigaria tin mas cu 40 producto cu por duna hende cancer.

Nicotina ta 1 di mas cu 4000 kimico cu tin den  huma di sigaria. No ta tur ora un persona ta wordo exponi na huma dor di ta solamente banda di e humado, pero e  ta wordo exponi  tambe di e manera di absorbe via su boca, nanishi y cuero. Un cos mester tene na cuenta ta, si un persona no ta huma pero ta den caminda cu otro persona ta huma e tambe ta haña mesun consecuencia cu e humado.  Sigaria ta un di e metodonan cu  kimiconan ta bay mas lihe den bo sanger, celebro y  curpa.  P’e humadonan di siga of pipa e proceso ta bay mas slow.             Hende muhe cu ta huma sigaria ta mas vulnerabel na  haña cancer y otro tipo di daño na pulmon  mas lihe compara cu hende homber . Esaki a wordo cientificamente proba pa :   Dr. Inga-Cecilie Soerheim di Brigham, Hospital di hende muhe na Boston y Universidad di Bergen na Norway .

Sintomanan di uzo

  • E persona ta sinti su mes relaha.
  • E persona por bira iritabel .
  • Persona ta kere cu e por concentra miho.\
  • E persona ta hole sigaria ( entre otro su paña, cabey, boca y su ambiente).

Consecuencianan a corto plaso

  • Bo curpa y mente ta bay depende di dje,
  • Perde rosea,
  • Hende rond ta keha cu huma ta molestia nan,
  • Bo ta haña mal beis (vooral si bo no por huma),

Consecuencianan a largo plaso

  • Ora un persona kier stop cu humamento e ta pasa den diferente proceso di comportacion (irita, inkieto, hostina, ansha, insomnio)
  • Presion halto
  • Cancer na pulmon, pecho, tripa, garganta, boca,  riñon, matriz y blaas
  • Daño na djentenan of carni– djente ( geel,preto)
  • Problemanan vascular y respiratorio
  • Tambe por causa impotencia cerca hende homber riba termino largo
  • Menopausa por cuminsa 2 a 3 aña mas lihe cerca hende muhe
  • E cuero di un hende cu ta huma ta bira bieu mas lihe
  • Por baha nivel di sterilidad di hende muhe
  • Un humado frecuentemente por sinti su man y pia friu
  • Hende muhe cu ta uza pildo pa no sali na estado cu ta huma tin un riesgo mas grandi di haña atake celebral
  • Hende muhe cu ta huma durante embaraso tin chens cu e por haña sangramento, baby por nace prematuro y perde bariga of baby por nace morto

Tipnan 

  • No bay banda di persona cu ta huma
  • Busca semper luga pa sinta of come cu ta bisa cu bo no mag huma
  • Si bo ta huma tene cuenta bay huma leu di otro hende.
  • No huma den luganan cera.
  • No huma ora bo ta na estado of ta dunando lechi pecho.

 Pa mas informacion por tuma contacto cu FADA na telefon: 5832999 of 5839610.

Tambe por comunica via fax nr: 5834501, via fundacionantdroga.org  of via Facebook.

FADA ta situa na Campanastraat 5, Dakota (Tarabana).

 

PREVENI TA  MIHO CU LAMENTA

 

 

13:30 to 16:30

F.A.D.A (Fundacion Anti Droga Aruba). Tel. (+297) 583-2999 / 583-9610