XTC
FADA - Droga

XTC ( 3,4 Methyleendioxymethaphetamine)

XTC ta miho conoci como “the love pill”. Pa motibo cu e ta aumenta  sensacion ora di mishi of caricia, particularmente ora di intimidad. E persona su percepcion di color y zonido ta wordo altera. XTC ta emocionalmente dañino y uzadonan ta sufri hopi biaha di depresion y confusion.

XTC ta un droga traha den laboratorio ilegal. E ta un droga sintetico stimulante. Nan ta bende den forma di pildo di diferente tamaño y color cu diferente dibuhonan atractivo (marca, cartoon etc), capsula of na puiro. Ultimamente e droga aki tambe a subi mercado y a bira hopi popular bou di nos hobennan. XTC ta wordo uza hopi den cierto clubnan nocturno y na fiestanan priva.

E producto activo den XTC ta yama MDMA (3,4 Methyleendioxymethaphetamine)

Actualmente loke nos ta yama XTC por contene un variacion grandi di diferente substancianan manera: LSD, cocaina, heroina, amfetamina, methafetamina, veneno di djaca, cafeina y e remedi pa “hond ontworming”. Apesar di tur e logonan bunita cu e ‘dealernan’ ta pone, esakinan ta loke ta hasi XTC super peligroso.

Sintomanan di uzo

  • excitacion (stimulante) pa mas o menos 6 ora
  • prestacion ta aumenta temporalmente
  • un sintimento energetico
  • persona ta bay den un estado di alerta
  • XTC ta provoca cambio di conscientisacion
  • e percepcion di e usado ta bira mas intenso
  • usado ta haya un sintimento falso di confianza y intimidad
  • apetito sexual ta aumenta

Consecuencianan a  corto plaso 

  • Agotacion
  • sobrecarga di bo curpa
  • boca y garganta seco
  • keintura di curpa ta subi na nivel peligroso
  • infeccion na garganta
  • daño na higra, riñon y otro organonan
  • depresion
  • sentimento falso di afeccion
  • confusion
  • problema cu drumimento
  • paranoia
  • vision vaporoso (wazig)
  • stijf den kaak
  • kraak djente
  • dificultad pa coordina movecionnan
  • biramento di cabes y stoma

Consecuencianan a  largo Plaso

  • desmayo
  • ataca di curason
  • morto
  • fayonan di organonan interno (higra)
  • enfermedadnan transmiti sexualmente
  • perde habilidad di studia
  • perde sentido di emocion
  • insomnio
  • daña parti di funcionnan di e celebro (memoria)
  • ansiedad
  • Tendencia di suicidio
  • depresion
  • sangramento interno
  • intoxicacion di awa

Hopi biaha pildernan ta wordo bendi como XTC, pero en realidad esaki NO ta asina. Pa motibo cu e NO ta contene MDMA, pero MDEA, cu ta SPEED (Amfetamina) of MDA of otro productonan riesgoso cu ta dificil pa comproba.

E efecto di MDEA ta dura solamente 3-5 ora y ta duna tambe solamente e efecto di cambio di consciencia. Esaki kiermen cu un uzado cu kier un dobel efecto manera XTC, por cay den  tentacion di bay uza un di dos te cu tres pilder como cu e ta pensa cu un pilder no tawata suficiente, dus e ta bay uza mas di e droga cu tur consecuencianan negativo cu esaki ta trece       cune.

MDA encambio su efecto ta dura entre 6-8 ora y ta duna solamente e efecto di excitacion (oppeppend)

Tipnan

  • Informa bo mes bon tocante di droga
  • Busca amigonan sano
  • Evita prome uzo
  • Tuma decisionnan sano pa bo futuro
  • Den caso di uzo busca ayudo profesional mas lihe posibel

Pa mas informacion por tuma contacto cu FADA na telefon: 5832999 of 5839610.

Tambe por comunica via fax nr: 5834501, via fundacionantdroga.org  of via Facebook.

FADA ta situa na Campanastraat 5, Dakota (Tarabana).

 

PREVENI  MIHO CU LAMENTA

 

 

 

 

 

 

13:30 to 16:30

F.A.D.A (Fundacion Anti Droga Aruba). Tel. (+297) 583-2999 / 583-9610