|
Prologo
Pakico a funda FADA?
F.A.D.A. (Fundacion Anti Droga Aruba) a wordo funda ariba 16 di oktober na aña 1984 pa un grupo di mayornan hopi preocupa cu e situación peligroso e tempo ey caba y a tuma e iniciativa di cuminsa cu un fundación pa asina preveni uso y abuso di droga ariba nos isla. E mayornan aki a haya cu tin mester di un fundación cu por informa y conscientisa e pueblo di Aruba y sigur e hobennan tocante e problemanan cu uso y abuso di droga ta trece cune. Uso di droga ta un problema mundialmente creciente y un menasa grandi pa e isla di Aruba tambe.Na hopi ocasion sa tende e nomber di FADA. Pero no ta tur hende sa exactamente ki funcion FADA tin riba e tereno di prevencion di uso y abuso di alcohol y droga. Semper por surgi un of mas situacion caminda hende tin mester di un conseho of cualkier informacion riba e tereno aki tanto pa uso personal of pa estudio. Pero no ta semper nos sa unda exactamente por busca esaki. Pesei tambe FADA a dicidi di bin cu un website informativo. Riba e website aki comunidad en general por haya e informacion necesario di e fundacion p.e.; con e ta traha, kico ta su metanan y tambe unda e oficina ta situa. Tambe bo por haya informacion tocante e diferente droganan.Corda cu FADA semper ta cla pa duna cualkier conseho of informacion riba posibel duda of pregunta.
M I H O R P R E V E N I C U C U R A
CATEGORIANAN DI PREVENCION;
- Prevencion primario
- Prevencion secundario
- Prevencion terciario
Prevencion primario ta dirigi ariba hende cu nunca no a usa alcohol of droga anteriormente.
Prevencion secundario ta dirigi ariba e persona cu ta usando sea alcohol o droga y cu ainda no a perde control riba nan uso.
Prevencion terciario ta pa persona cu a perde control riba e uso di un of otro droga. Den e categoria aki nos ta papia di rehabilitación/tratamento (interna). FADA ta concentra su mes solamente riba e categorianan primario y secundario. Nos no ta traha ariba e tereno di rehabilitacion, pero ariba tereno di prevencion.
KICO FADA KIER LOGRA?
Preveni uso di droga dor di desaroya e habilidadnan necesario den e persona, pa e por tuma decisionan sano na bienestar di su mes salud y bienestar personal.Banda di duna infromacion tocante droga, FADA tambe kier pa e comunidad haya e instrumentonan necesario pa por tuma decisionnan positivo. Pesey e fundacion ta traha cu e siguiente metanan.
METANAN DI FADA:
- Duna e mucha/hoben e instrumentonan necesario, manera conocemento, experiencia, actitud pa por tuma decisionnan sano.
- Duna mayornan y educadornan e sosten pa nan por juda nan jiu of alumno pa bira un adulto liber di droga.
- Informa y conscientisa e adultonan y comunidad en general tocante e consecuencianan di uso/abuso di droga y alcohol.
- DRUGFREE WORKPLACES pa promove lugarnan di trabou liber di droga dor di duna informacion tocante uso/abuso di droga/alcohol na trahadornan.
- Ehecuta Programanan manera e.o; No Apologies (De Hoop), pa juda educa muchanan na un forma efectivo y strategico, pa asina preveni uso di droga bou di nos muchanan.
- Organisa e siman di Cinta Cora/Red Ribbon Week; un siman den oktober, den cual tin hopi actividad manera e.o; charlanan di oradornan di exterior, bendemento di cinta cora y tambe actividad social, manera p.e; “caminata cu luna jen”.
KI INFORMACION FADA TA BRINDA?
-
Tur informacion relaciona cu Alcohol y Droga
-
Diferente sortonan di droga y tambe adiccion
-
Area di trabou liber di droga
-
Informacion pa haya e ayudo necesario di cuido
-
Informacion di otro instancianan social
-
Foldernan informativo y tambe información visual
-
Informacion pa yuda hobennan traha proyectonan escolar.
CON FADA TA TRAHA?
Ta ofrece servicionan den propio edificio pero tambe ta aserca e grupo pa medio haci nan un bishita. FADA tin un team dinamico cu ta traha ariba e tereno di prevención y conscientisacion. E team aki ta profesionalmente ekipa pa duna información na tur grupo. Ta brinda servicio; Ariba tur nivel di enseñansa basico,educación avansa, educación profesional y mas.
Na otro instancianan, grupo, clubnan, hotel, seminario, exposición social
Ta duna presentación ariba petición di e grupo. E trabou por wordo haci den nos edificio mes y tambe nos personal por bishita
bo establecimento. Nos ta reparti tur información, folder of locual bo tin mester tocante Alcohol, Droga y Adicción.
GRUPO DI META DI FADA
FADA ta aserca comunidad en general durante tur periodo di aña cu diferente actividad, presentación y promoción di campañanan di conscientisacion y prevención di droga. Tur grupo den comunidad por haci uzo di FADA su servicionan, pero ta enfoca hopi ariba hobennan. Cu grupo di meta nos ta referi na entre otro; Studiantenan, muchanan, mayornan, maestro(a) nan di scol y profesionalnan den area di cuido, educación y formación.
CON MI POR HACI UZO DI FADA?
Tur servicio di FADA ta Gratis! KI INFORMACION FADA TA BRINDA?
-
Tur informacion relaciona cu Alcohol y Droga
-
Diferente sortonan di droga y tambe adiccion
-
Area di trabou liber di droga
-
Informacion pa haya e ayudo necesario di cuido
-
Informacion di otro instancianan social
-
Foldernan informativo y tambe información visual
-
Informacion pa yuda hobennan traha proyectonan escolar.
CON FADA TA TRAHA?
Ta ofrece servicionan den propio edificio pero tambe ta aserca e grupo pa medio haci nan un bishita. FADA tin un team dinamico cu ta traha ariba e tereno di prevención y conscientisacion. E team aki ta profesionalmente ekipa pa duna información na tur grupo. Ta brinda servicio; Ariba tur nivel di enseñansa basico,educación avansa, educación profesional y mas.
Na otro instancianan, grupo, clubnan, hotel, seminario, exposición social
Ta duna presentación ariba petición di e grupo. E trabou por wordo haci den nos edificio mes y tambe nos personal por bishita
bo establecimento. Nos ta reparti tur información, folder of locual bo tin mester tocante Alcohol, Droga y Adicción.
GRUPO DI META DI FADA
FADA ta aserca comunidad en general durante tur periodo di aña cu diferente actividad, presentación y promoción di campañanan di conscientisacion y prevención di droga. Tur grupo den comunidad por haci uzo di FADA su servicionan, pero ta enfoca hopi ariba hobennan. Cu grupo di meta nos ta referi na entre otro; Studiantenan, muchanan, mayornan, maestro(a) nan di scol y profesionalnan den area di cuido, educación y formación.
CON MI POR HACI UZO DI FADA?
Tur servicio di FADA ta Gratis!
|