BO YIU TA EXPERIMENTANDO CU DROGA?

FASE EXPERIMENTAL

Den e caso cu bo yiu ta den e fase di experimenta cu droga mester tuma e siguiente paso nan:

-          1) TUMA ACCION

-     2) DIALOGA CU BO YIU TOCANTE SU USO

-          3) PAPIA CU BO YIU CON E DIFERENTE DROGA NAN TA TRAHA

-          4) HASI PALABRACION NAN CU BO YIU

-          5) TENE CONTACTO CU BO YIU

1. 1) TUMA ACCION

Nos como mayor nan mester realisa cu experimenta ta parti di e fase di pubertad, pero e no mester wordo neglisha si. Na momento cu bo descubri cu bo yiu ta experimentando cu droga mester combersa cune lo mas liher posibel.

1. 2) DIALOGA CU BO YIU ARIBA SU USO

Combersa cu bo yiu tocante su uso di droga.

Trata di keda trankil y combersa cune pa asina saka afor con hopi e ta usa y cual ta e motibo.

1. 3) PAPIA CU BO YIU CON E DIFERENTE DROGA NAN TA TRAHA

Puntra bo yiu si e sa kiko ta e riesgo nan pa cu uso di droga. Purba di yega na un combersacion cune tocante di e consequencia nan di uso di droga.

Zorg pa como mayor bo ta bon informa di e materia aki.

No exagera (minimalisa) e riesgo nan den e combersacion)

1. 4) HASI PALABRACION NAN CU BO YIU

Si bo no a combersa ni hasi palabracion cu bo yiu ainda tocante uso di droga bo por hasi e ainda.

Si bo yiu ta den e fase di experimenta, prohibicion por yiuda ainda.

Mester splike si e motibo nan pakiko bo no kier pa e sigui experimenta.

Prohibicion posiblemente no lo yiuda mas si e ta usando regularmente caba.

1. 5) MANTENE CONTACTO CU BO YIU

-          Tene contacto a base regular cu bo yiu tocante e topico di usamento di droga

-          Tene bon cuenta si bo yiu ta manteniendo su mes na e palabracion. Papia cu bo yiu si esaki no ta e caso.

-          Trata di evita di papia solamente di droga y regla nan.  Mustra interes y atencion tambe ariba otro actividad nan den bida di bo yiu y premia su bon conducta.

Un combersacion cu bo yiu tocante droga of alcohol no lo logra si bo no tin un bon contacto cu bo yiu.  E mayor mester ta amiga/o di su yiu y dune atencion.

Hopi hende ta pensa cu cria un yiu ta cuestion di solamente duna plaka of material na su yiu.

E factor mas principal den e bon relacion entre mayor y yiu ta un relacion di amor y dedicacion di mayor (nan) na e yiu (nan).  Ta sumamente importante pa tin un base di confiansa den e relacion di mayor (nan) y e yiu (nan).

E situacion di e fase di experimenta di e yiu por yega na su final no a base di maltrato fisico of verbal sino cu amor y combersacion nan.

SER UN BON EHEMPEL Y UN BON AMIGO (A) DI BO YIU (NAN).

Fundacion Anti Droga Aruba

Pa mas informacion pasa libremente serca nos na Campanastraat 5 (Tarabana).

Tel: 583-2999 of 583-9610