Marihuana por causa e lantamento di  schizofrenia, specialmente si cuminsa use na un edad hopi jong.

Schizofrenia ta un enfermedad mental cu ta wordo yama tambe : Trastorno mental cronico.

Na Hulanda por ehempel, marihuana ta ser permiti pa wordo bendi den e famoso coffee shops caminda Amsterdam ta conosi pa tin mas di 900 di nan.

Koffie no tin muchu den e coffee shops nan aki pero si marihuana.

Sin embargo e dokter nan sa bon bon cu usamento di un gran cantidad di marihuana den corto tempo ta produsi e sintoma nan di psicosis caminda schizofrenia ta esun di mas remarkabel.

E pregunta clave ta: E  DROGA TIN E MESUN EFECTO ORA DI USO CONTINUO?

E prome indicacion di e consequencia di uso continuo di marihuana ta di JAMAICA den epoca di aña nan 60.

E dokter nan a nota cu e Rastafaria, cu ta famoso pa e humamento di marihuana, tabata esnan number 1 ariba lista pa manifesta enfermedad nan mental (psicotico).

E sospecha a bira mas grandi den e epoca di aña nan 80 na momento cu Robert Murria, di e instituto di psikiatria di Londres, a observa cu e pashent  nan cu schizofrenia of otro malesa nan mental tabata usador nan constante di marihuana.

Pero ta te na 1987, ora a ser publica un trabou realisa na Suecia, por a lesa over di e coneccion entre marihuana y e aparicion di problema nan mental pa tempo largo.

Den e epoa ey, un ekipo di e Instituto Karolinska na Stockholm,  a analisa e antecedente nan di tur e hoben nan cu a participa na servicio militar na Suecia den aña nan 1969 pa 1970.

Tabata trata di 50.087 cu tabata representa 97 % di e poblacion masculino di e edad entre 18 pa 20 aña di dicho pais.

E antecedente nan cu a ser recolecta di e epoca ey, incluyendo e detayes di nan experiencia cu droga prome cu nan a ser yama pa servicio militar y tambe incluyendo e edad cu nan a usa droga pa prome biaha, e cantidad cu nan a usa y tambe e frecuencia di e uso.

Despues, den e aña nan 80, un ekipo di investigador nan a examina e historia medico di e mesun homber cu di e decada di 1969 pa 1970 cu a particpa na e servicio  militar.

Den e datos nan a bin saka afor cu varios di nan a ser hiba hospital pa motibo di schizofrenia.

Tambe a ser nota cu esnan cu a declara di a huma marihuana, tin un frecuencia di schizofrenia  6 BIAHA MAS HOPI cu es nan cu no a huma marihuana.

E investigador nan a conclui cu e descubrimento aki ta un evidencia cla cu MARIHUANA TA UN FACTOR DI RIESGO PA PSICOSIS.

Estudio nan reciente cu a ser hasi relaciona cu e uso di marihuana y schizofrenia ta demostra cu e resultado nan di e investigacion hasi na Stockholm tabata corecto.

Esaki ta wordo concretisa door e estudio nan hasi door di Mary Canon di Royal College of Surgeons na Irlanda.

Tambe a ser conclui cu hoben nan cu a huma marihuana 3 of mas biaha prome cu e edad di 15 aña ta hopi vulnerabel pa haya e sintoma nan di schizophrenia na edad nan mas halto compara cu esnan cu no ta huma marihuana.

Resultado nan di investigacion na Grecia ta igual na esnan ya menciona.

E gobierno actual di Hulanda ta man na cabes cu e gasto nan halto di clinica nan mental cu ta yen di persona nan schizofrenico y psicotico a causa di e consumo di marihuana.

Hulanda, cu a permiti e ley pa legalisa benta di marihuana na coffee-shops, pa asina haya entrada extra di placa di belasting di dicho coffee-shops nan, awor ta evaluando pa hala atras e ley di legalisacion di marihuana mirando e gasto nan grandi cu ta ser hasi den cuido mental a consecuencia di e legalisacion.

Pa mas informacion tocante di e topico aki por tuma contacto cu oficina di FADA via telefon nan: 5832999 of 5839610.

PREVENI TA MIHOR CU LAMENTA