Kiko ta pasa ora di usa Droga combina :

Hopi bes ora bo ta adicto na droga bo no ta worry cu nada mas solamente bo kier satisface bo deseo.Bo ta lubida riba tur hende rond di bo. Nada y ningún hende no ta mas importante cu e droga. Semper un adicto kier jega na e haltura cu ela sinti e prome bes. Ta pesey  Fundacion Anti Droga Aruba kier trese e pakiko un adicto ta combina droga. Droga combina por ta  hopi malo pa hende su salud y eta acelera e daño cu droga ta causa riba e curpa humano.  Den un dicho criyoyo e ta caba cu bo mas liher.  

 1. Pa nan nivela e droga .                                                                                                                                                          

2. Nan kier experimenta  .                                                                                                                                               

3.Nan ta fada di uza mes un droga.                                                                                                                                    

 4.Nan kier jega na e haltura cu nan a sinti e prome bes.                                                                                                 

5.Ora nan ta  sinti nan mes hopi hyper nan ta usa un otro droga pa calma nan.

Ki ta e efectonan ora bo mescla diferente droga cu otro.                                                                                                                                      

Tin tres tipo di efecto cientificamente proba ora bo combina droga.

• Efecto aditivo ( 1+1 =2) esaki kiermen e ta bira 2 bes mas fuerte
• Efecto synergismo (1+1 =5) esaki kiermen  e ta 5 bes mas fuerte
• Efecto competitivo (1-1 =?)  esaki ta depende di e persona  su uzo y con hopi bo ta uza. Pa cada persona e ta otro.( E dos substancia nan ta competi cu otro.)

Efecto aditivo : Esaki ta ora bo tin dos droga cu ta cay bou di categoria di stimulante. Por ehemplo xtc cu  cocaína.Dor cu tur dos droga ta stimulante e ta bira dos biaha mas duro of bo ta mas energetico. Koffie cu sigaria.

Efecto Synergismo: E efecto aki  e droga nan ta reforsa otro . Esaki ta pasa hopi biaha cu droga nan cu ta cay bou di categoria di calmante . Esaki ora bo uza dos calmante .Por ehemplo alcohol cu heroina .                          of alcohol cu GHB. E risico nan  por ta cu e persona por bay den un soño profundo of hasta den coma. Bo no por controla bo sistema di hala rosea y dor cu bo ta saca bo por stik. E risico di e uzo di e combinacion di e droga nan aki por ta hopi peligroso. E celebro ta haña un depresion serio cu ta resulta den coma of morto.

Efecto competitivo : Esaki ta sosode ora bo cu combina dos  droga cu otro. Por ehemplo un  ta cay bou di stimulante y un cu ta cai bou di calmante. Un bon ehemplo ta alcohol y cocaina. Ora di uza algo asina bo no sa kico lo pasa cu bo .Ora bo ta burachi bo uza cocaina e ta blokia bo buracheria. E persona por bira hopi agresivo. Dor di bebe hopi alcohol bo lo sinti hopi gana di uza cocaina. Dor di e combinacion bo ta haña e substancia coca-ethyleen .E substancia aki ta causa extra carga riba bo curason y bo bena nan. Un otro ehemplo ta marihuana y alcohol e efecto ta cu bo ta haña gana di saca y bo ta sinti hopi angustia.

Pesey nos di FADA kier a informa pueblo di Aruba pa asina nan ta consciente kico droga ta haci cu bo. Pa si nunca bo no a uzo pa bo sa cu bo no tin mester di dje, keda leu di droga.  Droga ta causa hopi daño y ta mata. Pa mas informacion yama nos na 583-2999/583-9610 of pasa cerca nos na Campanastraat 5.

MIHOR PREVENI CU LAMENTA