Kiko ta Tabaco???

Tabaco ta wordo produci di e mata di Nicotiana, e substancia (adictivo) di e mata aki ta wordo jama Nicotina. Tabaco ta wordo huma den cigaria, pipa of siga. Pa dune un sabor agradabel ta bruhe cu otro sorto di tabaconan (despues di wordo corta) of ingredientenan. Por ehempel, stropi di sucu, honing of menta sa wordo usa. Tabaco ta un substancia legal, cu por wordo cumpra tur caminda, pero cu tambe tin hopi efectonan negativo riba e curpa di e ser humano.

Tabaco a wordo descubri dor di Columbus na Merca na aña 1492 y tambe a hiba esaki pa Europa (Spaña y Portugal).

Effectonan…..

Nicotina ta pasa via e pulmonnan pa e sanger y asina sigui pa e curpa completo.
Ora tabaco wordo huma, ta sali hopi productonan kimico, den esakinan como 40 di nan ta stimula Cancer. Humadornan tin 70% mas chens pa muri di un malesa na ader di curason cu un hende cu No ta huma. Tambe nicotina ta stroba e sanger vet di circula den e adernan, cu ta pone cu e curason mester bati mas duro cu normal.

 Otro effectonan ta:

• Preshon halto
• Condicion malo
• Cancer na pulmon, tripa, garganta, boca, riñon, matris y blas
• Daño na e djentenan of carni-djente (geel, preto)
• Problemanan vascular y respiratorio
• Tambe impotencia serca hende homber riba termino largo

Dependencia na Tabaco…….

Nicotina por causa dependencia psikico, ora bo kier mas di e substancia constantemente y bo no por sinti bon mas sin dje (mentalmente). Dependencia fisico tambe por presenta ora bo curpa ta reacciona ora bo purba di stop e uso. Pa stop cu e uso semper ta posibel y den diferente forma di terapia y/of producto. Pa mas informacion pasa serca nos na FADA.