XTC

XTC ta un droga sintetico stimulante cu ta wordo crea den laboratorionan ilegal. E ta bin den diferente forma di pildora, capsula
of puiro, mayoria biaha den forma di pildoranan di color y cu diferente dibuhonan atractivo (marca, cartoons ect).
E producto activo den XTC ta jama MDMA (3,4 Methyleendioxymethaphetamine)

E efectonan ta tanto mental como tambe fisico:

MDMA tin efecto mental:

e ta un stimulante cu ta duna e usador un efecto di excitacion (oppeppend), cual tin como consecuencia un aumento di prestacion temporal, un sintimento energetico y ta pone e persona den un estado di alerta.

Ta provoca cambio di estado mental:

Esaki ta encera: cu e percepcion di e usador ta bira mas intenso y e usador ta haña un sintimento di confianza y intimidad hopi
intenso pa cu otro hende.

MDMA tambe tin su efecto fisico:

• XTC ta subi e temperatura di e curpa y e presion di sanger
• XTC ta acelera e polsslag y e pupilnan ta bira mas hancho
• E usador no ta sinti cansancio
• Boca y garganta hopi seco
• Movimentonan di curpa ta dificil pa coördina
• E usador por sinti nausea (biramento di cabes y stoma)

Investigacionnan riba dañonan causa pa XTC ta mustra cambionan den e cerebro cu ta afecta:

• E memoria
• E concentracion
• E animo (beis)

E peliger ta aumenta conforme aumento di uso

Hopi biaha pildoranan ta wordo bendi como XTC, pero en realidad esaki no ta asina. Pa motibo cu e no ta contene MDMA,
pero MDEA, cu ta Speed (Amfetamina) of MDA of otro productonan riesgoso cu ta dificil pa comproba.

MDEA p.e. ta traha mas cortico (3-5 ora) y ta duna solamente e efecto di cambio di e consciensia.

Esaki ta nifica si un usador cu kier un efecto doble manera XTC, por cai den e tentacion di bai usa un di dos te un di tres pildora como cu e ta pensa cu un pildora no ta suficiente, dus e ta bai usa mas di e droga cu tur e consecuencianan negativo cu esaki ta
trece cune.

MDA encambio ta traha mas largo (6-8 ora) y ta duna solamente e efecto di excitacion (oppeppend).

Uso prolonga di XTC por conduci tambe na;

• Depression
• Reaccionnan di panico
• Pesadiya/problema cu drumimento

E combinacion di XTC cu otro substancianan ta hopi riskante.

Como cu usadornan di XTC ta haña un deseo di intimidad y e deseo pa ta hunto cu un otro, nan tin un risico grandi pa haña malesa verenico, como cu usadornan di XTC por bini facilmente den contacto sexual cu otro.

Tin casonan conoci di XTC cu a conduci na dañonan severo na e higra, cu transplante di higra tawata necesario.

Adicionalmente e usador por tin un cambio den percepcion, ta wak cosnan wazig/ hopi nubla, y por tin problema cu atencion, concentracion y coördinacion.